Sinusog ni Chairman Bayani Fernando ang pagpapalakas ng basic education upang lalong maging epektibo ang educational system ng bansa at maging makahulugan ang pagaaral ng kabataan.

“Ang basic education ang weakest link sa ating educational system,” pahayad ni Fernando. “Dapat natin repormahin ito.”

Sakop ng basic education ang elementary education mula Grade 1 hanggang Grade 6 at secondary education from first year to fourth years sa public school. Kung mahina ang basic education ay marupok din ang pagaaral ng kabataan, sabi ng MMDA chairman.

Hiningi ni Bayani na una ay baguhin ang curriculum upang lumakas ang kaalaman ng mga estudyante sa English, science at mathematics. Sa maraming pananaliksik, mahuhuli sa Asia at sa munda ang mga batang Pilipino sa mga nasabing subject.

Kasabay nito ay sinusog ni Fernando ang training at upgrading ng mga guro na nagtuturo ng mga nasabing subject.  Dapat ding paramihin ng Department of Education ang dami ng mga teacher na ang major ay English, science and math, dagdag ni BF.

Mahalaga din na sapat ang aklat at teaching materials para sa tatlong subject. Bukod sa computer ay dapat may science laboratory ang mga eskuwela, ayon sa dating three-term mayor ng Marikina.

Sangayon sa isang recent study ng National Statistical Coordination Board, kaunti ang fourth year student at sixth grader na may 75 percent “mastery benchmark” sa English, Filipino, math at schience.

Ang NCSB study ay katulad daw sa resulta ng 2003 Trends in International Math and Science Study which showed that Filipino fourth-graders ranked third in English and last in science and math among 26 countries surveyed, while second-year Filipino high schools students ranked 41^st in math and 42^nd in science among 45 countries tested.