AKO AY GANAP NA NANANALIG SA MGA BATAS NG ATING BANSA.

ANG ATING MGA BATAS AY SOLUSYON SA LAHAT NG MGA PROBLEMA NG MGA MAMAMAYAN.

ANG MGA BATAS SA BANSA AY HUSTO; MAY MGA BATAS NA SA HALOS LAHAT NG ATING MGA PANGANGAILANGAN AT PROBLEMA.

ANG MGA BATAS NATIN AY ANGKOP AT EPEKTIBO; ITO ANG PINAGSAMA-SAMANG KAISIPAN NG BAYAN NA ATIN PANG MINANA SA ATING MGA NINUNO AT NGAYO’Y GINAGAMIT PARA SA ATING KAPAKANAN.

KAILANGAN NG MGA PINUNO NG POLITICAL WILL PARA MAPATUPAD ANG MGA MAHUHUSAY NA BATAS NG BANSA.

MAHIRAP MAN AT HINDI POPULAR, MARAPAT LAMANG NA IPATUPAD NG MGA PINUNO NG PAMAHALAAN ANG MGA BATAS; KASALANAN ANG HINDI MAGPATUPAD NITO.

MARAPAT LAMANG NA MASUSING GAMPANAN NG MGA MAY KATUNGKULAN ANG PAGPAPATUPAD NG MGA BATAS NG WALANG TAKOT, KAHIT PA MAN MANGAHULUGAN ITO NG PAGKAWALA NG MGA BOTO.

MAGING SA MGA PANDAIGDIGANG KALAKALAN AT IBA PANG MGA USAPIN, ANG MGA BATAS ANG NAG-UUGNAY SA BAWAT ISA SA ATIN AT SA BUONG MUNDO. 

ANG HINDI NATIN PAGSUNOD NGAYON AT MAGING SA MGA NAKARAANG MGA PANAHON ANG SANHI NG ATING ‘DI PAGSULONG.

ANG ‘DI NATIN PAGSUNOD SA MGA BATAS AY ANG SIYANG KADAHILANAN KUNG BAKIT TAYO AY NAPAG-IWANAN NA NG MGA IBANG BANSA.

KAILANGAN NG MGA PINUNO NG POLITICAL WILL PARA MAPATUPAD ANG MGA BATAS NA MAG-AANGAT NG ATING ANTAS SA BUONG MUNDO.

DAHIL LAHAT TAYO AY MANGGAGAWA AT UMAASA SA GAWA NG ISA’T ISA, NARARAPAT LAMANG NA ANG MGA BATAS LALONG LALO NA IYONG MGA UKOL SA PAGGAWA AY IPATUPAD.

NARARAPAT NA IPATUPAD ANG MGA BATAS SA PAGGAWA PARA TAYO AY UMUNLAD; ITO ANG SUSI SA PAG-ASENSO NG  KABUHAYAN NG BAWAT PILIPINO.

ANG PAGSUNOD SA MGA BATAS SA PAGGAWA AY NAGLALAYONG ANG LAHAT AY MAGTRABAHO NG MAGALING – SAPAT AT TAPAT, NG SA GAYO’Y MAGING KATULONG TAYO NG ISANG PRODUKTIBONG LIPUNAN.

KAILANGAN NG MGA PINUNO NG POLITICAL WILL PARA MAPATUPAD ANG MGA BATAS SA PAGGAWA.

SA PAMAMAGITAN NG MGA BATAS SA PAGGAWA, GAGANA ANG MGA INSTITUSYON NG GOBYERNO AT PRIBADONG SEKTOR; LAHAT AY MAG KAKATULONG-TULONG.

KUNG MAGKAGAYO’Y TITINO AT YAYAMAN TAYO.

ANG MGA BATAS AY SOLUSYON.
SUNDIN AT IPATUPAD.
POLITICAL WILL ANG KAILANGAN.
TITINO AT YAYAMAN TAYO.